fbpx
Falafel Logo

دعوة للمشاركة

مشروع تسجيلات فلافل

المدينة للفنون بتدور علي أصوات شابة من الفتيات والسيدات عندهم رغبة أنهم يغنوا مهرجانات، عشان يعبروا عن نفسهم وعن تجارب شخصية وموضوعات إجتماعية تهمهم. وده عشان المشاركة في ورشة عمل تخليهم قادرين علي تسجيل أغاني مهرجانات والورشة هتكون مدتها سبع أيام في مدينة الإسكندرية في الفترة من 7 إلي 13 اكتوبر 2021. وخلال الورشة هنقدر نسجل أغاني بشكل جماعي (من 5 لـ 7 أغاني) ونصورهم فيديو كمان

شروط المشاركة بسيطة وهي

– معاكي جنسية مصرية أو مقيمة في مصر –
– التفرغ التام فترة الورشة (ملحوظة: قد تمتد فترة تسجيل الفيديو على مدار أسبوعين آخرين) –
– يكون سنك بين 21 و35 سنة –
– يكون عندك معرفة كويسه بالتراث الشعبي المصري –
– معرفة معقولة بالغناء (مش لازم تبقي مغنية محترفة) –
– يكون عندك قضية أو تجربة شخصية بتخص البنات والسيدات تحبي تطرحيها من خلال المهرجان –
– يكون عندك خيال ورغبة في التعبير عن مشاعرك وأفكارك –
– يكون عندك مهرجان أنتي اللي كاتباه أو مع صحابك تقدمي بيه –
– تعملينا فيديو بتغني فيه المهرجان اللي أنتي كاتباه –

تملي استمارة المشاركة علي اللينك ده.

سيتم اختيار 9 أو 10 مشاركات للمشاركة في الورشة
آخر موعد للتقديم السبت 25 سبتمبر 2021
سيتم التواصل مع من تم اختيارهم
في موعد أقصاه أسبوع
من نهاية موعد التقديم

إحنا هنوفرلك شوية حاجات لطيفة زي

– خبراء محترفين في الكتابة والموسيقي والتصوير –
– سكن للمشاركات من خارج الاسكندرية  طول فترة الورشة –
– فلوس الإنتقالات للمشاركات من خارج الاسكندرية –
– مكافأة مالية صغيرة نظير التفرغ –

ملحوظة هامة:

الورشة ومخرجاتها غير هادفة للربح. جميع حقوق الملكية الفكرية بالتشارك مع المؤسسات المنظمة والمشاركين. متنسيش تبلغي صحباتك المهتمين وتملي الاستمارة علي اللينك ده.

 

لو عندك أي استفسار، ممكن تبعتي إيميل لينا علي falafelrecords@elmadinaarts.com

إستمارة التقديم

عن المشروع

هو مشروع يأتي من الملاحظة العميقة لفن غناء المهرجانات المصري، والذي يستبعد الأصوات النسائية، ليس فقط علي مستوي التواجد الغنائي القليل، ولكن أيضاً علي مستوى الرؤية النسائية للموضوعات وطريقة تناولها. تسجيلات فلافل هي محاولة لدعم وتمكين الأصوات والمواهب النسائية الشابة لاقتحام هذا النوع من الغناء الذي يسيطر عليه فئة الذكور والرجال بغاية طرح ومعالجة موضوعات اجتماعية بطريقة مختلفة، واكتشاف المهرجانات كتجربة ثقافية ناتجة من البيئة المصرية.


المشروع يأتي في إطار برنامج (Mind The Gap). وهو شراكة طويلة المدى بين المتحف الوطني للثقافات العالمية/ السويد والمدينة للفنون/ مصر. وبدعم من المعهد السويدي. تكلفة الإقامة من مشروع (خارج المدن) وهو مشروع إقامات فنية متنوعة بشراكة بين المدينة للفنون – مصر ومؤسسة المواطنون الراقصون – تونس، وبدعم من الصندوق العربي للثقافة والفنون (آفاق) ودعم من مكتب التعاون السويسري.

فريق المشروع

رشا شعبان
(منسقة المشروع من المتحف الوطني للثقافة العالمية)

 

هاجر مجدي
(منسقة المشروع من مؤسسة المدينة)

 

وفاء وسيم

(سوشيال ميديا)

 

أحمد صالح

(المدير الفني)

 

شهاب إسماعيل

(جرافيك)

2021 © ElMadina Arts. All rights reserved.